Monday, April 6, 2009

زيارة الى جمعية التثقيف الفكرى ببورسعيد

تحديث
التبرعات ستقسم ان شاء الله
على جمعية التثقيف الفكرى ببورسعيد والجمعية ببورفؤاد
لقاء بورسعيد الثالث ان شاء الله

سيكون ان شاء الله تعالى يوم الجمعه 10/4
للقاء المعاقين الايتام
هنتقابل الساعه 11ظ فى جمعية التثقيف الفكرى

ببورسعيد

وهى جمعية اهلية غير مهتم بها
بها العديد من الاطفال اللى بجد محتاجين مساعدتكم

معاقين وقست عليها الحياة بأن اصبحوا ايتام
الجمعية بها اكثر من 100 حالة اعاقة فى الاغلب ذهنية
مقيم بها حوالى 40 حالة بصفة مستمرة
منهم اكثر من 15 حالة مرضية
انا شفت المكان والناس دى فعلا محتاجة المساعدة وتستحقها
لان حالتهم بجد صعبة جدا ومساكين لاقصى درجة
وللاسف لو خرجوا للشارع بيتم استغلالهم بأبشع الطرق
الحالات اللى هنقابلها ان شاء الله
فيهم 23 فتاة من سن 8 سنوات الى سن 45 سنه
ومنهم 17 شاب من سن 11 سنة الى سن 26 سنه
لكم انن تتخيلوا هذا العدد من المعاقين ما بين اعاقة كاملة واعاقة بسيطة
ومدى احتياجهم للمساعدة ومدى احتياجهم لكل شئ يعينهم على الحياة
فى منهم حالات مرضيية بجانب الاعاقة
زى اسلام 11 عام لايتحكم بنفسة ويحتاج بامبرز مقاس (L)
وزى اسراء 22 سنة التى تعانى حالة مرضية
وزى على سويلم لا يستطيع الحركة الا على كرسى متحرك ولا الرؤية
بجد ناس محتاجة كل حاجة مننا واى حاجة



لانهم ليهم حق علينا

اللى يقدر بجد على حاجة يساعدهم بيها


حتى الملابس المستعملة او الاحذية


او فوط

كور الجلة 2/4/3كجم لان بهم رياضيين


كاسيت او ديفيدى للتعلم عليه او الترفيه


و كور للعب
ميكروفون لاسلكى

تربيزة تنس طاولة

بازل
كتب تلوين
الوان
العاب تكوين
او مكعبات
العاب ذكاء
راكت
مظلة
صلصال
حلوى
عصاير
اللى تقدروا عليه
مقاسات الناس

2 S بنتين

8 M نصفهم ولاد

12 L منهم 8 بنات

7 XL منهم اربعة فتايات

11 XXL منهم 6 شباب
*&*&*&*&*&*&*&*
بعد اللقاء ان شاء الله هنتغدى سوا فى مكان ان شاء الله يعجبكم


ونتكلم ويكون لقاء تدوينى جميل
رقم التلفون للى هيجى
0188047779
لو سمحتموا بس اللى هيجى يقولى عشان اقدر احجز
باقى اليوم على العدد
يارب نتجمع ونبقى كتير
ونحاول نعمل خير


البوست ده من مدونه ايناس نهر الحب اللى هيجيى يبلغها يا ريت انا رايحه اللى عاوز برضه يبعت معايا حاجه ومش هيقدر يجى معنديش مشكله

8 comments:

نهر الحب said...

جزاك الله خيرا يا ابى
انت وقوس قزح
وربنا يجعله فى ميزان حسانتكم

همس الاحباب said...

جزاكم الله خيرا
وربنا يجعله فى ميزان حسناتكم
بس مع الاسف مش هقدر اكون موجود معاكم
تحياتى

فاتيما said...

كان نفسى آجى قوى يا بيبى
بس للأسف الميزانية صفر
المرة الجاية هعمل حسابى إن شاء الله
ربنا ينفخ فى صورتكم و يوفقكم
سلامى لكل اهل بورسعيد الجميلة
و خصوصا بابا أبو خالد لو جه
و داليا أهو ده عيبه و طبعا إيناس الجميلة نهر الحب و العطاء
خالص حبى يا حبيبتى و ترجعى بألف سلامة

hasona said...

السلام عليكم

جزاكم اللهم كل الخير

وان شاء الله متجمعين علي الخير دايما

الطائر الحزين said...

بجد الله يكرمك ويوفقك

سومه...مجنونه فى بلد عاقل said...

حرام عليكى يا ايبى انتى بتزودى النشاط وقت ما انا داخله الزنقه دى:) مش كنتلا تستنينى عشان اخلص المشروع واجى معاكم
بس على مين انا حخلص باذن الله ولازم تعمليلى من 1 تمانيه لحد 15 9 ييجى 20 طلعه من دول عشان انا احتمال اسافر 9 عاااااااااااااااااااا
وارجع تانى فى 12 هيييييييييييييه او بعد الحج باذن الله
عموما جزاكى الله كل خير

سهر said...

ده نشاط هايل
برافو عليكم
أتمنى أمتلك الروح اللي تدفعني لمشاركتكم تلك الانشطة

ابو صهيب ( الجمعاوي الاصيل)سابقاً said...

تقبل الله منكم

وجعل هذا العمل في ميزان حسناتكم ان شاء الله

واعانكم على الخيرات