Sunday, December 28, 2008

كتب قديمه

زمان فى المدرسة كان من اهم النشاطات اللى بحبها ان مدرسة الفصل تقول هنعمل مكتبة فى الفصل صغيرة و نشارك فيها بكتب و نتبادل الكتب والقصص مع بعض و كان من حقى استعير الكتاب لمدة اقصها اسبوع و ده كان بيشجعنا اننا كل اسبوع ناخد كتاب جديد


و لانى حاليا معنديش وقت للقراءة بالرغم من وجود كتب جديدة نفسى اقرها ..اكتشفت ان فعلا اكتر وقت كان الواحد بيقرا فيه هو من سن 9 سنين لحد دخول الجامعة


و من هنا جات لى فكرة الخير اللى جاى

ان فى اطفال فى السن ده ممكن لو اتوفر لهم الكتاب يقدروا من خلال القراءة يصقلوا شخصيتهم و يوسعوا خيالهم و ينموا موهبتهم .. لكن مش كل الاطفال بيتوفر لهم الكتاب و ده لان تمن الكتاب لهم ممكن يكون تمن وجبة او تمن دوا




علشان كده .. المرة دى هيكون تجمعنا ثقافى ...ازاى ... يعنى كل واحد عنده كتاب قراه و مركون على الرف او قصة جميلة يحب يوسع بها خيال غيره او حتى مجلات اطفال تضيف بسمة على وشهم .. يحضرهم علشان يشارك بهم معنا فى يوم المكتبة ..


اليوم ده هنروح لمكان فيه اطفال ايتام او مكان بيوفر محو الامية لاطفال الشوارع .. و نعمل رفوف مكتبة و نحط عليها الكتب و المجلات و نكون حريصين ان المكان ده يكون متواجد فيه الشخص المناسب انه يكون امين المكتبة علشان يقدر يحافظ عليها



اختيارى للمكتبة لسببين

الاول حديث الصدقة الجارية ..علم ينتفع به

التانى اننا نشارك فى مساعدة الاطفال على تنمية شخصيتهم و متكونش مساعدتنا لهم بس مادية

يمكن فعلا هم محتاجين المساعدة المادية و العينية علشان يتوفر لهم عيشة ادمية .. لكن فى نفس الوقت هم محتاجين يندمجوا مع المجتمع اللى حواليهم و يتعرفوا على ثقافات تانية و يتعلموا ازاى يشاركوا فيها و ده مش هيحصل غير طريق حاجتين القراءة او الاحتكاك الفعلى من خلال شغل او دراسة .. و اعتقد ان القراءة هتمهد الطريق لبر الاندماج ده





مهمتكم التانية المرة دى غير انكم تشاركوا بحاجة .. هى انكم تساعدونى فى البحث عن المكان المناسب لعمل المكتبة دى

ممكن ملجأ ..او دار تربية ..او فصول محو امية ..

المهم ان يكون الاطفال فيها فى سن القراءة


و ان شاء الله هحاول ان يوم المكتبة دى يكون فى ايام معرض الكتاب ..لسببين الاول ان سهل اى حد رايح المعرض انه يشترى كتاب او قصة باسعار كويسة . و التانى ان الاطفال يحسوا انهم شاركوا فى المعرض بطريقة ما حتى لو كانت الكتب راحت لحد عندهم


فى انتظار ارائكم و اقتراحتكم


ملحوظة : خيخة انا كده حجزت شهر يناير علشان الاتفاق ان كفاية يوم واحد فى الشهر للخير علشان ميكونش صعب على الناس

ملحوظة تانية : اللى مش هيقدر يشارك بكتب او مجلات ممكن يشارك بادوات مدرسية يعنى اقلام او الوان او كراسات


شكرا قوس قزح على المجهود

17 comments:

Aиgel said...


فكرة جميلة جداً
بالتوفيق
وووووووو

Happy New Year 2009

Aиgel said...


فكرة جميلة جداً
بالتوفيق

من غير عنـــوان said...

فكرة جميــــــــــــــــله

أنا بس في اسكندرية

أمنياتي

A Khudori Soleh said...

nice post

Fatima said...

فكرة جميلة كنت اتمنى لو تطبق على سكان العمارات و الاحياء على شان تتعمم لكل الاولاد ، يعنى لو كل عمارة تعتبر نفسها الفصل و يشاركوا فى مكتبة العمارة و العمارات المجاورة تتبادل
و فرصة ننشر التعارف و التراحم بين الجيران
سنة سعيدة

saheda.com said...

المرشد العام يطالب المسلمين بالتحرك لنجدة غزة... كتائب شهداء الأقصى وسرايا القدس وباقي فصائل المقاومة تعلن أنها تقاتل جنبًا إلى جنب مع كتائب القسام وتقول إنها معركة الفرقان كما أعلنت القسام... الجيش الصهيوني يسحب أجهزة اللاسلكي من جنوده بعد اختراق حماس لها... سلطات الاحتلال تطلب من المغتصبين على بعد 40 كم من غزة التزام الملاجئ... مصادر صهيونية تعترف بسقوط قتلى و25 جريحًا بين قواتها... الاشتباكات بين المقاومة الفلسطينية وجيش الاحتلال تدور في محيط 2 كلم فقط... كتائب القسام قصفت العدو اليوم بـ 24 صاروخًا و17 قذيفة هاون و4 عبوات ناسفة... أنباء صهيونية عن ارتفاع القتلى في صفوف جيش الاحتلال إلى 9 من بينهم قائد لواء جولاني... جيش الاحتلال يؤكد سقوط 5 صواريخ للقسام في النقب... القسام تحاصر أكثر من 12 جنديًّا صهيونيًّا أعضاء قوة صهيونية خاصة بالقرب من شرق قطاع غزة... نتيجة المقاومة الشرسة مجلس الأمن يعقد اجتماعًا خاصًّا لبحث الأوضاع في غزة بعد ساعتين من الآن... توغل قوة صهيونية خاصة في منطقة رفح... إعلاميون صهاينة: حماس نجحت في شن حرب نفسية على الجيش الصهيوني... مصادر إعلامية صهيونية تؤكد التفاف المقاومة على جنود الاحتلال من الخلف مستخدمين الأنفاق... القناة العاشرة الصهيونية تعترف ببطء العملية العسكرية في غزة نظرًا للمقاومة الشرسة... الرقابة العسكرية الصهيونية تفرض حظرًا إعلاميًّا على مجريات الأحداث في الحرب الدائرة داخل قطاع غزة بعد الأنباء عن وقوع قتلى وجرحى في صفوفهم... كتائب القسام تؤكد أنها تحاصر قوتين صهيونيتين في رفح وشرق قطاع غزة... كتائب القسام تعلن اختراقها لموجة اللاسكي الخاصة بالجيش الصهيوني وأنها سمعت من خلاله التبليغ عن مقتل 5 جنود صهاينة وإصابة 21

خالتى بمبة said...

فكرة جميلة وبجد فيها معاونة على الثقافة اللى فقدناها من مدة ربنا يكتر من افكارك النيرة

هاني رمضان said...

السلام عليكم ورحمة الله وبركاته
ده رقم حساب بنكي يتم تلقي التبرعات من خلاله لصالح غزة (تم عرضه في برنامج القاهرة اليوم )
(25015) بنك بيريوس.

قوس قزح said...

اشكركم على تشجعكم
و ياريت تشاركوا معنا يومها
تحياتى

Heba said...

السلام عليكم
الفكرة فعلا اكتر من رائعة بس يا ريت تقولنا ممكن نشارك ازاي و يا ريت تنزل كل جديد في الموضوع ده عشان نقدر نعرف التطورات و كيفية المشاركة

شكرا جزيلا

ابو المفاصل الواصل said...

فى الحروب لا يوجد منتصر
اخلاقيا فى الحروب لا يوجد مهزوم ومنتصر
فالقاتل مهزوم بقتلة وفى اخلاقه مندثر
وطبعا المهزوم مقتول ومتراجع ومكسر
فكلاهما عمليا وخلقيا خاسر ومعتصر
ومن يعلن انتصاره بالقتل ظالم ومبتسر
فالنصر قيمة سامية تعلو على القتل والقصر
وبالذات قدانهارت كل القيم فى هذا العصر
فهيا الى السلام والعيش باطنئنان ونصر
وياخد كل زى حق حقه وهذا هو النصر
==================

عابد الرحمن said...

فكرة حلوة بجد
بس انا عمري ما قريت الا بعد ما اتخرجت
بس فكرة جميلة جدا

MARAM said...

افكار رائعه واتمنى انو كل واحد فينا يقدر على التنفيذ انا عن نفسي عندي كتب كتييييير ومجلات مش محتجاها هحاول ان شاء الله اعمل زي مقولتي مرسي ليك على الاقتراح ده

تقبلي مروري

MARAM said...

افكار رائعه واتمنى انو كل واحد فينا يقدر على التنفيذ انا عن نفسي عندي كتب كتييييير ومجلات مش محتجاها هحاول ان شاء الله اعمل زي مقولتي مرسي ليك على الاقتراح ده

تقبلي مروري

Lady E said...

فكرة بجد رائعة

تسلم دماغك وان شاء الله اشارك معاكم بعد الانطحانات

اسماء واحلام فى وجدانى said...

افكارك جميلة جدا

بس محتاجة مساندة

ربنا يوفقك

Mariam Galal said...

بصراحه الفكره هايله وعجبانى اوووى ونفذتها مره فى دار ايتام فى حلوان
اكتر حاجه بجد بحسها تنفع الطفل هو الكتاب وعمره ما بينسى كتاب قراه وهو طفل
واعتقد ديه حاجه حلوه اوووى اهلى علموهالى .. القراءه مهما اتقدمت التكنولوجيا
الكتاب بردو مازال كتاب