أبى : صباح النور
قوس قزح : شوفتى الجو بقى برد ازاى
آبى : لا عادى يمكن بس بالليل
قوس قزح : لا لا بقى برد و لازم تطلعى الشتوى بقى
آبى : لا مش دلوقتى لسه بدرى
قوس قزح : خلاص قدامك لحد يوم 28 نوفمبر
آبى : اشمعنى اليوم ده
قوس قزح : علشان ده اليوم اللى هنعمل بؤجة فيه
آبى : لا لو كده يبقى انا هطلع الشتوى حالااا
ايه رايكم تشاركوا معنا تانى فى يوم بؤجة خير ؟
و المرة دى مختلفة لان كل واحد هيكون بالفعل مطلع الهدوم الصيفى و الشتوى فى نفس الوقت و بيبدل دى مكان دى
يعنى لو لاقيت حاجة صيفى طول الصيف مستخدمتهاش يبقى مش هتستخدمها و حطها فى البؤجة
و لو فى حاجة شتوى اى حاجة لبس او بطانية او حتى احذية لاقتيها لاى سبب مش محتاجها حطها فى البؤجة
فى ناس هتقول صيفى ايه اللى فى الشتا .. هقولهم الناس الغلابة ممكن تلبس كذا حاجة فوق بعض و كلنا بنشوف الولاد اللى فى الشارع بيلمعوا العربيات ازاى بيكونوا لابسين حاجة نص كم و تحتها حاجة بكم علشان تدفيهم
و اى حد عنده حاجة غير اللبس مثلا ادوات منزلية او لعب او شنط او حتى سجاجيد ممكن يشارك بها
و اللى هيقول لا معنديش حاجة تنفع للبؤجة و كل الحاجات بستخدمها هقوله اشترى بطانية حتى لو بتاعت طفل صغير و هاتها يدفى بها طفل من برد الشتا و تدفيك انت يوم الدين
ده غير كمان يومها الاطفال هناك هيعرضوا لنا مسرحية من تمثليهم و تاليفهم
و تذاكر المسرحية بمبلغ رمزى و هو 5 جنيه و ده بس علشان يحسوا اننا جينا و كمان دفعنا علشان نتفرج على شغلهم
و العائد المادى من التذاكر هيستفيد به الاولاد فى حاجة تانية
يعنى اللى مش هيقدر يشارك فى البؤجة ممكن يحضر المسرحية
المسرحية مدتها حوالى نص ساعة
وهيكون ميعاد عرضها من الساعة 2:30 ظهرا
هنروح ان شاء الله نفس المكان اللى روحناه قبل كده
جامع الزهراء اللى فيه جمعية صحبة خير وصف المكان بالتفاصيل هنا
و هيكون تجمعنا هناك من 11 الصبح
اللى يحب يجى و يصلى فى الجامع هناك صلاة الجمعة اهلا به
و اللى يحب يجى بعد الصلاة هنكون فى انتظاره
بس يفضل يكون الناس كلها حاضرة على الساعة 2 الضهر
و اخر حاجة فرحت جدا لما عرفتها
ان الجمعية قالت ان البؤجة اللى عملنها كانت احسن ملابس وصلت لهم من سنين
ياريت تانى نحاول نكون ايجابيين و كمان بمستوى كويس
و متنسوش تبلغوا كل اللى تعرفهم فالدال على الخير كفاعله
و احب افكركم
28 comments:
متشكرة جدا ليكي يا آبي انتي ودولي
عشان زعلت اني مش شاركت في ايوم بؤجه خير
والمواعيد كويسة جدا وبإذن الله هحضر كل شيء من دلوقتي
وكنت عاوزة اعرف هل محتاجين لبس لسن معين؟؟ والا كل اللي موجود عندي
إن شاء الله يارب أكون موجود ولو ظروف الشغل حكمت إنى أكون مسافر وقتها فرقية وأم رقية هايحضروا بدالى.
ألف شكر ياداليا وربنا يكرمك يارب
زهرة الجنه
===========
لا يا حبيبتى عادى اى لبس مش شرط لسن معين
وتنورى خالص ويا ريت الكل يعمل تنويه عنده من دلوقتى للموضوع
قلب مصرى
=============
تنورا الدنيا كلها بجد وتشرف البنوته الكميله دى
ربنا يقويكم و يقدم الاى فية الخير
كالعادة المواعيد بايظة عندى ومش هقدر اجى
انا دخلت علي الموقع اللي في العنوان بناع النكان بس مافهمتش اوي
معلش عندي شوية استفسارات
المكان فين بالضبط بالعنوان؟؟
ديه دار ايتام ولا دار لاطفال الشوارع؟؟
بؤجة الخير بيكون فيها هدوم لسن ايه؟؟
و لما اركب مترو الانفاق بروح في خط ايه لو انا جاية من اتجاه المرج؟؟
طبعا ممكن اجيب معايا اولادي
(اربع سنين و سنتين)
بعد كل ده
يارب اعرف اكون معاكم انشاء الله
موني
=======
اركبى اللى رايح المعادي وانزلى المحطه
ممكن تجيبى اولادك الهدوم لاي سن حتى الكبار مش شرط اططفال دي جمعيه اسمها صحبه خير بتدي لمناطق عشوائيه اللى هيعملوا اطفال شوارع وايتام الجمعيه بتراعهم
ابعتى على الميل بتاعي وانا اديلك تليفونى وافهمك
butterfly_549@hotmail.com
دوللى و آبى
ممكن أتقل عليكم و أجيب معايا الحاجة يوم التبرع بالدم لأنى مش ضامنة المعاد بتاع البؤجة ؟؟
معلش هشيلكم بس برضو هتشيلوةا معاها الحسنات يعنى ادنتم تستاهلوها و قدها و قدود
أشوفكم على ألف خير
سلام مؤقتاً
فاتيما
هو بس للاسف انا و ابى مش هنقدر نشارك فى اليوم ده
بس هنحاول نشوف حل
مع انى اتمنى انى اشوفك يوم البؤجة
لانك وحشتنى اوى
اوك
موافقة
ما شاء الله
ربنا يجعلوا في ميزان حسناتكم يارب
للأسف انا مش بقدر أشارك بسبب بعدي عن الأماكن دي
لكن بجد قلبي معاكم
والله عملت بؤجه محترمه فى رمضان واديتها لجمعية الراسله .. كله لوجه اله
دعواتي بالتوفيق إن شاء الله
آبى .. لقيتك قدامى قلت افوت واسلم عليكى واشوف حاجه جديده .. تحياتى
ربنا يبارك فيكم
ويوفقكم ان شاء الله
ربنا يكرمكوا وتكملوا الطريق الصح الى انتوا ماشينو
احنا هنا عندنا بردو فى العاشر بنتبرع لدور رعاية الايتام والمؤسسات الخيرية وكدة يعنى
شكرا ليكى بجد انك بتدلى على فعل الخير
:)
اول زيارة واتمنى التواصل
مجهووود مشكككوووور
وبجد انا عرفت متأخر
لكن المرة الجاية
انا معاكم
للا سف قريت الموضوع متاخر وسمعت انكم رحتوا وان اليوم كان حلو قريتة عند خيخة ياريت لو في حاجة بس في شهر اتنين اكون خلصت الامتحانات واقدر اسافر واجيلكم حكون مبسوطة لو بلغتيني وربنا يكرمك ويكرمني دعواتكم ليا
والله أنت جميله في كل كتاباتك
الجميله آبى .. تحياتى .. ان شاء الله المره الجايه اكبر الخط عشان خاطرك
لأ .. هما مش عايزين يبيعوا ويدوكى الثمن دول حيدوكى الثمن فى شكل صك مجانى وانت حره بقى فيه تبيعى الصك تسكى بيه اي حد تانى .. اهو تبقى اخدت حقك وخلاص وما لكيش عندنا حاجه .. والباقى انا شرحته فى البوست بمناسبة العيد كل عام وانت بخير
Appy....كان نفسى والله اشارك معاكم فى الموضوع ده بس انا للاسف مش فى مصر حاليا وكمان مليش مواعيد معينه فى نزولى مصر فياريت تقولولى على طريقه اعرف الاقيكم بيها فى اى وقت لما اكون موجود عشان انا ممكن انزل فى اى يوم وامشى على طول وربنا يخليكم للحياه يارب
فكرة رائعة وتناول جميل
كل عام وأنتم بخير
أمنياتي
~*§¦§ Appy §¦§*~
السلام عليكم ورحمة الله وبركاته
اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله
السلام عليكم
اول زياره ليا للمدونه الحميله دي
موضوع جميل اوووووي
بس مش خساره الله خمسه جنيه هههههههههههههه
دمت بكل خير و سعاده
و اتمني زيارتك الي مدونتي المتواضعه
و كل سنه وانتي طيبه
للأسف .. فاتني هذا اليوم
خيرها في غيرها
ربنا يقدرك على فعل الخير يا ابى
وحشتينى بجد فينك؟
فكرة جميلة وانا بحترم جدا الافكار اللى بتعمل تكافل واكتفاء بين الناس فقيرهم وغنيهم وياريتنى عرفت قبلها بس ملحوقة نعملها في الشتوى
Post a Comment