Friday, September 5, 2008

ابو الريش يارب يعيشوا



تحديث:- لسه الحمله ماشيه اللى عاوز يبعت حاجات اوك احنا هنروح الخميس لان فيه ناس ربنا يكرمكهم بعتوا لنا من بره مصر ومن داخلها ربنا يكرمكوا جميعا بشكر كل الناس اللى بتبعت من التدوين ومن خارجه



اسماء الدوا اللى هيحتاجوه



Zovirax 400 gm or 250 or 500--------------هما عاوزين الحقن

L .carintin cap------------------22 L.E
vental inhcler------------------8.5 L.E
Sodium bicarbonate------------- 4 L.E
Rimactan syrup ---------------------6.5 L.E
inderal amp ----------------------- 38 L.E
Nor adrenaline ------------------ 60 L.E ( علبة بها 100 أمبول)
diflucan vial --------------------- 67.5 L.E

meronem 1/2gm or 1gm 80l.e 116L.E
اللي يقدر يوفر الدواء حتى بعد الميعاد اللى هو السبت يبعت ليه وانا هقابله اخده منه من اى مكان ونوديه علشان الوقت عارفه انه ضيق وفيه ناس فى محافظات عاوزين يشاركوا
ابعتوا على الميل ده butterfly_549@hotmail.com
دة بتاع ابى
او بتاع
قوس قزح
kouskoza7@hotmail.com


كلنا لما بنشوف طفل بيبكى بنضايق و بيصعب علينا
و لما يكون بيبكى من الالم او من المرضى بنكون مش عارفين نخفف عنه ازاى و بنحاول نساعده بأى طريقة
لكن تخيل لو فى طفل مريض بمرض جامد و كمان معندوش امل فى الشفاء لانه ببساطة فقير و معندوش اللى يساعده و مع كده مش بيبكى لانه اتعود على الغلب من صغره و الرضا بقضاء الله ،بس انت تقدر ترسم على وشه بسمة .. هتتتأخر ولا هتمد له ايدك ؟؟





الاطفال فى مستشفى ابو الريش بتترواح اعمارهم من حديثى الولادة لحد سن 12 سنة و حالاتهم المرضية مختلفة من فشل كلوى لمرضى القلب لمرضى الصدر و غيرهم
و المستشفى دى من اكثر المستشفيات فى مصر اللى بتستقبل حالات من مرضى الاطفال للعلاج مجانا و فى نفس الوقت هى اكتر مستشفى مش بيوصل لها مساعدات و ده نتيجة انها مش وخدة حقها من الاعلام
و علشان كده وقع اختيارنا عليها بعد ما كنا قلنا ان الخير القادم للاطفال مرضى السرطان لكن فضلنا ان مساعدتنا تكون للاكثر احتياجا بسؤال ناس كتير من دكاترة و اخصائيين اجتماعيين








فبناشد كل القلوب الرحيمة انها تشارك معنا فى رسم بسمة على شفاه الاطفال المرضى
و ده هيكون يوم السبت 13 سبتمبر الساعة 3 نتقابل قدام المستشفى و هى قريبة من القصر العينى الفرنساوى





و المشاركة هتكون هدية منك للطفل بمناسبة رمضان و العيد زى لبس العيد او لعبة او عيديته او حتى لو مش قادر ممكن تشترى شوية حلويات لهم و انت قدرتك بس حدد لنا هديتك هتكون ايه و ابعت لنا ايميل بها و كمان لازم تكون جاد لان حرام نعشم طفل برىء بهدية و فى الاخر متوصلش له
و صعب اننا من دلوقتى نحدد اعمار الاطفال لان بسؤال المستشفى لاقينا ان الاطفال ممكن تدخل و تخرج من المستشفى فى خلال يومين تلاتة




علشان كده يوم الخميس هنعمل زيارة للمستشفى و نحدد الحالات اللى اكثر مرضا او احتياجا و نبلغ كل واحد باسم الولد اللى هتكون هديته موجهة له












فلا تتاخر عن زيارة احباب الله و عن ان تغمرك الرحمة فى هذا الشهر الكريم












و ارجو كل اللى يدخل يساعدنا على نشر الموضوع بانه يضيف البانر ده عنده
و فى انتظار ايميلاتكم على








ملحوظة اخيرة : هيكون فى نفس اليوم الافطار الجماعى للمدونين اللى يحب يشارك معنا اهلا و سهلا به بس بردو يبلغنا على الايميل علشان نعمل حسابه و نبعت له التفاصيل




40 comments:

واحدة مفروسة said...

ربنا يبارك فيكم بجد
ربنا يجازيكم خير
وتكون الاعمال ديه فى ميزان حسناتكم
انا مش عارفه اذا حقدر آجي ولا لا
لو جيت حقدر اتبين ايه اكتلر حاجه الاطفال حيكونوا فى حاجه ليها
اما بالنسبة للفطار برضه مش عارفه لو فضلت للفطار انا تمر و لقمة بجبنه حتقضيو للاحتياط حجيب فطاري معايا و خلاص
ربنا يكرمكم و يجازيكم خير يا رب

(احمد سكر ) said...

ربنا يوفقكم يارب

معاكم ان شاء الله

انا محمد ومحمود

وكل واحد ان شاء هيقدم اللى يقدر عليه

كل سنه وانتم طيبين

DEW said...

مشاء الله
ربنا يوفقكم
appy اسف علي التأخير انا رجعت تانى
وبجد بجد ربنا يوفقكم على تقديم الخير للناس
ربنا معانا ومعاكم

بنوته مصرية said...

ربنا يبارك فيكم علي مجهوداتكم الجميلة دي

ربنا يوفقكم لسة مش عارفة هاجي ولا لاء بس هبقي اكلمك في التليفون

ينفع اجيب نور معايا
؟

لاني مش هعرف اسيبها الحقيقة واهي تلعب مع الاطفال

ردي عليا بليز

كل سنه وانتم طيبين

رودي

MaGn0liA... said...

جزاكم الله خيرا

ربنا يكرمنا و يقدرنا على فعل الخير

appy said...

بنوته مصريه
==============
اه يا رودي هاتيها ما انا اللى هدبس فيها عارفه اخرتها يكونش انا اللى خلفت البنت دي ونسيتها هههههه
هاتيها وحشيتنى واهو منها اطلع غيظي فيها ههههههههههه

عاشقة القمر said...

بجد كنت اتنمي شارك معاكم بس خسارة انا في السودان ربنا يكرم علي فعل الخير بس هنا انا صحابتي بنعمل شتطة العيد لي الفقراء بناخذ من اي احد ملابس يكون مس غناء عنها با حال جيد تكون نظيف بنوزاع سبحانه الله بهجة بتدخل فيهم بشكل كأنها ملابس جديد هم عارفين انها مستعمل ياريت برضو تعملوا كدة في العيد

maha zein said...

انا قريت لكن اسفا
احتمال كبير مقدرش اجي
انا احتمال اسافر البلد يوم الجمعة ونعد السبت
ربنا يسهل
ربنا يكرمكم على الخير ده
بجد في حاجة كويسة اوي بتحصل في المدونات دي
بجد
ربنا يجعلها مدونات الخير دائما

بنت سيناء..سويركية وافتخر said...

APPY

عندى هدوم بس ازاى اجيبها وانا فى سينا؟

WhItE HeArT said...

اوك ياجماعه انا جاي معاكم بس الحقيقه في اليوم ده انا هكون معزوم جنبكم في المعادي بس ان شاء الهل انا جاي

تحياتي

elsha3er said...

جزاكى الله خيرا على هذا الموضوع جعله الله فى ميزان حسناتك

احمد الشاعر

romansy said...

كل سنة وانتى طيبة
وربنا يتقبل منك والمسلمين جميعا يارب
وكمان اسعد حاجة ف الدنيا ان الواحد يسعد غيرة
بيحس انة هو سعيد ومرتاح البال
جميل البوست بتاعك

Dr.Mohammed Gohary said...

ربنا يوفقك يا آبي

ربنا يوفقكم كلكم

وربنا يرحمنااااا

آبي
أسماء الادوية مش مظبوطة الي حد مااا بس مش مشكلة بالنسبةى للصيادلة


تحياااااااتي

المحارب المتيم said...

آبى هانم

انا مش هقدر اشارك معاكم اليومين دول

علشان أنا بعيد فى الجنوب

لكن لو بعد العيد فى أى حاجة ممكن أعملها معاكم هكون موجود

ربنا يوفقكم

رمضان كريم

شمس النهار said...

ربنا يجازيكم خيرا انت وقوس قزح
عموما انا متطوعه في 57357وبناتي في جمعية رساله
وبحب اركز في مكان واحد ربنا معاكي
وهبعت لك ميل جميل هيعجبك

appy said...

سوري انا صلحت الحروف الغلط فى الادويه
معلش خد الدكاتره بقى ههههههههه

محمد مارو said...

ربنا يجازيكم خير بجد

شفقة هانم واحسان بك said...

ربنا يكرمكم يارب بجد انتى ممتازة يا ابى لانك بتفكرى دايما فى مساعدة الغير
ربنا يوفقك

انى احبكم فى الله said...

بجد انا شايفه ان الحمله دى مهمه جدا واشكرك على المتابعه وعلى الانسانيه الجميله وعلى المدونه والواضيع اللى فيها وخلينا نشوفك لان بجد انتى من المدونات المتميزة وتحياتى ليكىواقبلى مرورى وربنا يشفبهم

Dr/Salma said...

السلام عليكم
ما شاء الله ربنا يبارك لكم و يجعله في ميزان حسناتكم إن شاء الله
و الله لو كان في إيدي حاجة نت قدمتهالكم ....بس معلش بقي
سعدت بالزيارة و أتمني زيارتك لي تحياتي

تلميحاتى - يوسف الشافعى said...

شكرا على زيارتك لمدونتى
انا انشاء الله هحط البانر
وانا اسف جدا لانى لم ادخل الا متأخرا
تحياتى وتقديرى
وربنا يكتر من امثالك من الداعين وفاعلى الخير

تسنيم حسين said...

السلام عليكم

جزاكم الله خير الجزاء واعانكم على فعل الخير دائما.....
وانا معرفتش الموضوع ده إلا بعد ما خلص ...كل عام وانت بخير

وتعالى مدونتى عشان تنورينى مع انى لسه جديده

والسلام عليكم

تلميحاتى - يوسف الشافعى said...

ارجو ان تسمحى لى بوضع رابط المدونه بتاعتك عندى

SEMSEM said...

دايما حظي كده
اقول ايه يالا خيرها فى غيرها
للاسف قريت الخبر متاخر
ياريت لو فى حاجة تانية شبيهه بكده قريب تبقى تقولي
انا كنت جاي امسي على البلوج وبالصدفة لاقيت البوست ده بس بجد بتحسر اني مش قريته بدري عن كده
على العموم ربنا يبارك فيكم
والبلوج بجد لذيذ اوي

صبرني يارب said...

لكم تاج عندي يا بنات حد فيكم يجي يشقطه بليز

safa7_karmooz said...

جيت متأخر كعادتى:(

مافيش اى حاجه جديدة الواحد ممكن يشارك فيها؟؟

كلام على بلاطة said...

كل عام وانت بخير

Romantic said...

خسارة
قريت البوست متأخر
بس جميل الشغل ده

MISS\GH said...

ما شاء الله مدونه فى غايه الروعه ربنا يوفقكم باذن الله

goooooood girl said...

Feel good......

أحمد كمال said...

مبروك يا جماعة ، الحوار بتاعكم مع مجلة علي صوتك نزل في العدد الجديد :
http://www.3allisotak.net/apages.php?pids=788&ids=do

Beram ElMasry said...

السلام عليكم ورحمة الله
يرى الاخ الكريم الدكتور/ توكل مسعود ، صاحب المدونة
http://belawa6an.blogspot.com/
انطلافا من فلب طاهر ونفس صافية واعتمادا على ثقافته الواسعة ، يرى تغير اسم مدونتى
http://elmedahwel.blogspot.com/
المدهول ، غيرة منه على اسماء اخوانه فى مقال رائع ، ارجو مشاركته فى تجربته الرائدة ، واختيار اسم جديد يتناسب وطبيعة المدونة ، كما ارجو ان تدو غيرك للمشارة
والسلام
اين انت

أُكتب بالرصاص said...

حبيبت اقولكم

جزاكم الله خيرا
وتقبل منكم

(أم البنين) said...

ما شاء الله
أسأل الله أن يتقبل منكم ويرزقكم الإخلاص وأن يستخدمكم ولا يستبدلكم

فركـشاوي نـاوي said...

بسم الله أول الكلام
والحمد لله ...علي كل حال.
أخوكم ...فركشاوي ...ناوي.
يصحابكم ..ويقضي معاكم بعض الوقت ..
ممكن تستقبلوه ؟ و تساعدوه

fashkool said...

الميعاد فات .. طب نعمل ايه .. شوفى ميعاد تانى وقولى عليه .. بس اللى مش من القاهره يعمل ايه .. طب لو فيه حاجه زى مندوبين فى المحافظات .. فكرى كدا وبفكرك الخلاق يمكن تلاقى حل

fashkool said...

الميعاد فات .. طب نعمل ايه .. شوفى ميعاد تانى وقولى عليه .. بس اللى مش من القاهره يعمل ايه .. طب لو فيه حاجه زى مندوبين فى المحافظات .. فكرى كدا وبفكرك الخلاق يمكن تلاقى حل

Mahdi Mahdi said...

يلزمنى رايك فكن ناصحا ولا ملامة، فهدفى افهام المرضى والموتورين ممن يتطاول او يخادع بدس السم فى العسل تحت دعوى الدفاع عن الاسلام ، ان العين بالعين والسن بالسن والبادى اظلم

محمد عتلم said...

Appy....بجد انا مبسوط انى اتعرفت على اشخاص رائعين بتعمل خير واكيد بترميه البحر وفعلا نفسى اشارك معاكو بس للاسف انا مش فى مصر حاليا وكمان مواعيد نزولى مصر مش منتظمه واحيانا تكون فجائيه ومش مترتبه وده اللى بيحكمه الشغل طبعا . فياريت لو تقولو على طريقه مفيده وسهله عشان لما اكون متواجد اقدر اشارك معاكو بليييييييييز . واستمرو يا جماعه عشان ده جمييييييييييييييييييييل

مصطفي زهران said...

السلام عليكم انا صديق جديد واتمني من سيادتك التكرم بزيارة مدونتي...المتواضعه