Monday, December 7, 2009

البؤجة الشتوية



ميعادنا ان شاء الله

يوم الجمعة 11 ديسمبر

الساعة 11 صباحا


مكان اللقاء هو مسجد زهراء مصر القديمة فى الزهراء
و بعد كده هنتحرك للمقر الجديدة للجمعية و هو قريب جدا من المسجد

دى خريطة لمحطة مترو الانفاق اللى اسمها الزهراء و لونها بالازرق اما اللون الاحمر فهو لمكان المسجد
و ده سهل اوى للناس اللى هتستخدم المترو



فى حالة ان حد تاه ممكن يتصل على الارقام دى

الاستاذ خالد صاحب مدونة همس الاحباب
0101345140



و فكرة البؤجة هى - للى مش شارك قبل كده - انك و انت بتبدل الملابس الصيفى بالملابس الشتوى تشوف ايه اللى انت مش محتاجه منها يكون ضاق عليك او خلاص زهقت منه او موضته خلاص فات اوانها و تجمع الحاجات دى مع اى حاجة تكون مش عايزها فى بيتك ملايات - فوط - احذية - ادوات منزلية - اى حاجة انت مستغنى عنها و نروح كلنا لعشوائيات اسطبل عنتر و نديها للناس هناك فى جمعية صحبة خير و هم بيخدوها و بيعملوا بها معرض للاسر الفقيرة و تتباع لهم الحاجات باسعار رمزية و المبلغ اللى يتجمع من المعرض بتستغله الجمعية فى عمل خيرى تانى و ده علشان الناس اللى هتتباع لهم الحاجة تحس انها دفعت فيها و انها مش شحانة


افتكروا و انتم بتقروا البوست ده ان البرد مش بيرحم حد و ممكن يكون سبب فى وفاة طفل صغير مش لاقى غطا كفاية له
فى الوقت اللى عندنا فيه حاجات كتير اوى مش بنحتاجها و بتقول لنفسنا خاليها مركونة يمكن نحتاج لها
صدقونى اللى بيتبرع بحاجة ربنا بيعوضه عنها بحاجات اكتر
و التبرع ممكن يكون بأى شىء عينى او مادى

ياريت كل مدون يقدر ينزل بوست عن الموضوع يبقى جزاه الله خير علشان نبلغ اكبر عدد ممكن



8 comments:

همس الاحباب said...

جزاكم الله خيرا
وجعله فى ميزان حسناتكم
تحياتى

فاتيما said...

انا فرافيرووووووو
يا وش الخير
و يا قمر التدوين كله
الخير دايما على إيديكو

شفـقــة و إحســــان said...

جزاكىم الله كل خير يا ابى
ان شاء الله هنيجى
علشان نشارك معاكم وعلشان اشوفك
وحشتينى بجد اوى
وكمان مبروك وعقبال الفرح
شفقة

قوس قزح said...

خالد و فاتيما
دايما سباقين بالخير

فاتيما said...

لولاكو انتى و آبى و خيخة
لا كنت رحت
و لا جيت
و لا وثقت فى حد
انتوا شبكة امان يا داليا
بحس وسطكم بحاجة محستهاش من زمن طويل
انى فى بيت سكناه من عمر طوييييل
حيطانه بتضمنى و تدفينى و ممكن وقت الخطر اتحامى فيه و يخبينى من أى أذى
وحشتينى قوى
و وحشتنى نظرة عينيكى الحنونة ليا
خالص حبى ليكى يا وش الخير كله

Reda said...

fekra gamila gedan. kan nefsi ashtarek ma3akom bas el sho3'l. walahi ana gama3t el hodom el adema men el beet kolo we kont 3ayz awadeha resala men ramadan bas el wa2t we le3'ayet delwa2ti fel beet :( begad za3lan men nafsi.

كلام على بلاطة said...

;كلام جميل
ربنا يوفقك تحياتى

مدونة عمار اون لاين said...

السلام عليكم


مدونة رائعة


تسجيل دخول