مزاد مغلق
فى اول مزاد لنا قدرنا بتشجعكم اننا نعمل الخير
فالربان رسى عليه المزاد الخاص بببلوزة بيضاء بمبلغ 100 للخير و سيتم ايضا التبرع بالبلوزة
و احمد سكر رسى عليه المزاد الخاص بالعربية بالريموت كنترول بمبلغ 100 جنيه و قد نوه ايضا ان العربية ستذهب لطفل يتيم
ارجو من الربان و احمد سكر الاتصال بالايميل المعلن فى المدونة لكى يتم الاتفاق على طريقة التسليم
كما ارجو منهم بعد الاستلام ارسال تعليق - فيد باك - عن مدى مطابقة البضاعة للمواصفاتها المعروضة
حتى نعلم مدى مصداقية البائع
ما تم بيعه
الحمد لله اخيرا استفتحنا يالا بقى خليكوا جدعان عاوزين نعمل منظر واللى هيهظر هعلقه من رجليه على باب المدونة اللى رايح واللى جاى يضرب فيه بالشاكوش اللى يعجبه حاجه من الحاجات دى يقول على الرقم بتاعها فى التعليقات والتمن كمان ولو صاحب الحاجات وافق انا هقول للى عاوز يشترى ويبعت ليه على الميل خليكوا جدعان بقى بدل ما اسيب عليكوا خرفانى الحاجات دى تلبس سن من سنه ونص الى سنتين
الفستان البينك والموف والابيض اللى فيه وردات رقم 6 من
nextمحلات
الحاجات دى مزاد اللى يدخل يقول سعر بس من غير هزار الحاجات حالتها كويسه جدا والعربيه جنبها علبه لبن جهينه علشان تبين حجمها بالطول انها كبيرة
يالا هنبتدى المزاااااد
آبى هانم بتجانى
39 comments:
اول مره حتى اكون من اول تعليقين
ماشاء الله عليا :d
طبعا انا مش هاتكلم عن البوست راائع زى الباقى انا قرات كل البوستات
الف مبروك على المدونات الجديده
طبعا انا كان نفسي انفعك
واشتري منك حاجة
بسي يا خسارة
ما فيش عندك حاجة رجالي
بصي بقي المرة الجاية
انا عايزة حاجة
علي ذوقك
وما تخافيش هادفع
اللي هتقولي عليه
تحياتي
sayed
اول كلام
خماشر جنيه للعربيه
والدفع فوري
وان شاء الله ماحدش يزود
ملحوظه
علبة اللبن مع العربيه ولا العربيه بتمشي بالبنزين؟؟
سلاموووووووووووز
طبعا البوست جميل كالعادة
وانا هشترى علبة اللبن
ب2.25 يابلاش
تحياتى ليكى
اخوكى...احمد
احم احم الضرايب
عليا بي 100 جندي
هااا
حااا حد هيزود عليااااا
الادونا الا تريه
خلاص المزاد رسي عليا اشحني يا آبي
احمد سكر
انا عاوز العربيه للواد كوكو ابن اختي
هدفع فيها اللي انتي عوزاه
صحيح العربيه دي مدة صلاحيتها مع كوكو هاتبقى ساعتين بالكتير
لكن مش مشكله
كله فداء كوكو
لورانس
********
زود على احمد سكر فى اللى هو قايله
طيب الحاجات دي اخره ا كدا بالصلاه ع النبي بعشرين جنيه
وعلشان اروح القاهره ادي عشره جنيه زياده يبقوا تلاتين جنيه
مش جايبه همها خالص
تحياتي
ابي
والله انا هقول العربية ب 10 لحاليح ولو فيها زعل ياللا هزود 5 جنية كمان يبقي 15 جنية هشتريها للواد اخويا هو مش صغنون اوى بس مدلعينه شوية
وباقي الفساتين ادعي لأخويا بس مدامته تخلفلنا اول حفيد في العيلة وانا هشتريهم كلهم
سلاموز ابوب
خبر ايه يا اابي
يعني مافيش حد قال سعر اعلى من اللي قلته
اتكل على الله واجيب عربيه ربع نقل عشان نيجي نشيل العربيه بعلبة اللبن ولا ايه
نرجو الافاده افادكم الله
سلامووووووووووز
أنا ها خد العربية ب15.5
أنا عارف أن كله طمعان فى العربية علشان أزمه المواصلات اللى احنا فيها والواحد يكون عنده عربيه صغيره بدل الكبار أنا عارف اللى الناس هتزود عليا ......بصوا اتفقوا على رأى وأنا الريموت من نصيبى ههه
مصطفى
ايبى
انا عاوز علبة اللبن اللى مع العربية فوق
على ب
75
قرش
لا يا سووووو
انا زودت عليك ياباشا
وقلت 100 جنيه
والله يا ابى انتى رايقه
انا حاسس انك عامله زى الواحده الدلاله
اللى بتقول حاجه للبيع يا ولاد الحلال
انتى بقه بتقولىى اللى عايز يشترى
من عندنا وباقل الاسعار
مش هنضحك عليكم وهنقولكم انه امريكى او ايطالى
لا ده صنع ايديا وحياه عينيا
بصى انا عندى ازازه من غير غطا
بس حالتها ممتازه
عايز فيها اكبر سعر
ابقى دخليها فى المزاد
ديه اللى كان بيشرب منها هتلر
منتظر تشريفك
تحياتى
الباش مهندس بوحميد
تحياتي
اولا احييك علي هذا الجهد...جزاك الله خير.
ثانيا...ارغب في شراء البلوزة الاولي لسن سنتين...و ارجو افادتي عن سعرها و طريقة الدفع.
ثالثا....اتبرع بها الي طفلة محتاجة...ياريت حضرتك ايضا تقومي بذلك
نيابة عني...
جزاك الله و كل القائمين علي المدونة كل الخير.
تحياتي و تقديري
انا عاوزاعرف علبة لبن جهينة اللى فى اول صورة بكااام؟؟؟
elmoshkela en ma3andesh 2arayeb so'3antaten
السلام عليكم يا ابي
بارك الله فيكي علي المدونة دي و الخير المرجو منها ان شاء الله
مع احترامي لجميع المعلقين بس هما اخدوها علي سبيل المزاح ليه مش عارفة و الكل طمعان في علبة اللبن
افضل عرض في نظري اللي عرضه الاخ الربان بارك الله فيه
فيه ناس مابتحبش تلبس او تلبس عيالها حاجات مستعملة بس ممكن غيرنا يحتاجها
سبحان الله انا كنت هاعرض عليكي نفس الفكرة ان اللي قادر يشتري الحاجات المعروضة دي و يدفع السعر و بعد كده لو مش هايلبس اللبس المستعمل يتبرع بيه لحد محتاج او لجمعيات خيرية مهتمة بالايتام و كده يعني
كان نفسي اكون موجودة في مصر عشان اشارك معاكم بس ان شاء الله لما ارجع هابقي اشارك علي قد ما اقدر
سلام
انا كنت جاى اشترى البلوزه الاولى والله بس ما ابداه الربان من رغبة فى الشراء وتوضيح هدفه منها انا بعلن انسحابى
اخى الربان
انا موافقه هسال صاحبة الحاجات دى وحاضر هرد عليك
ربنا يكرمك يا رب
ام محمد وعمر
**********
ربنا يكرمك وميرسى لذوقك وعموما الربان برضه مش فى مصر هههههههه بس لما تيجى بالسلامه ان شاء الله تشاركى معانا ولو عندك حاجات قديمه ممكن تتبرعى بيها يا سيتى ونلمها نوديها مكان ايتام او ناس محتاجه ودول ما اكترهم
اخي الربان
==========
صاحبه الاشياء قالت ان البلوزه 25 جنيه وهى هتتبرع بفلوسها لولد علشان يبقى ولد وبنت
وعاوزه نعمل حاجه ايه رايك ننزلها مزاد ونبيع يعنى اللى يزود ونتبرع بفلوسها لجهه تانيه
يا ريت الناس المهتمه نساعدنا على نشر الفكره
الناس الجد يعنى او اللى عاوز يعمل خير
وشكرا ليك ولما نرسى على سعر هقولك حول الفلوس ازاى على حسابى
علشان ظروف سفرك
حتى اللى داخل مصر ممكت يبعن من محافظه لمحافظه الكلام للجميع
طب يا فندم واللي ماعندوش حد م السن المناسب
.
.
ينفع نشتري الحاجة ونشتري معاها اللي يلبسها ؟؟؟
.
.
لازم توضحي دا في كراسة الشروط
ولا هتري الحاجة واتفرج عليها ياعني ؟؟؟
.
.
ادم المصري
والسلام
الحمد لله ان المدونة اشتغلت... ولكن الوحش فيها الهزار
يعني المزاد ممكن يرسى على اللي بيقول 100 جنيه.. ويطلع بيهزر في الاخر
فياريت تنبيه شديد اللهجة عن عدم الهزار... والزعل مرفوع
(هو في دبش فكلامي انا حاسس.. بس انا ناوي احط حاجة فالمدونة دي قريب بس مش عايز هزار بصراحة)
تحياتي
اشكركم كل الشكر....
و رفعت المزاد الي مائة جنيه....
تحياتي و تقديري
اخى الربان
**********
ربنا يبارك فيك يا رب
وهنستنى نشوف انا بس عاوزة اكبر الموضوع وعاوزة الناس تساعدنى فى نشر الفكرة فى مدونتها
ادم
****
والله كلامك صح يا دبشه بس انا عارفه ان اللى قال علىالعربيه بيتكلم جد لانه كلمنى وقالى
بس انت كلامك مظبوط ومش برد على اللى بيهزر خلاص
انتى فين يا قمر ....ايه هنخستع من اول مزاد؟؟
غاية في الروعة وحب الخير
ربنا يكرمك ويعزك
احب اعرف لو حد اشتري اذاي ممكن انه يديكي فلوس الحاجة مثلا
يعني بردو حاولي تسهلي علي الناس
عشان الناس اللى مكسلة يتشجعوا
وحاولي بردو في اسلوب البوست انه يبقه مفصل اكتر عن الحجات وانه يكون مكثف يعني مركز علي البضاعة دون تتويه بالكلا
ربنا يسعدك ويباركلك ذي ما بتساعدي الناس
وبشكر الربان شكر خاص
بجد انا بشكرك وبقولك ربنا يبارك فييك ويعزك
وانا بجد انشاء الله انشر عن مدونتك عندى كي انال جزء من الثواب
maha zein
**********
لو من خارج القاهرة اكيد هتصرف ومش هنكلف حد حاجه ويبقى فيها ترتيب متخافيش انا الحمد لله مش بغلب
ربنا يكرمك يا رب ولوعاوزة حاجه ايميلى موجود فى اول بوست
الفستان بتاع سنه ونص سنتين تلاته
جميل
هو لو بـ 30 جنيه
أكيد هتبيعيه يا آبي
أنا مش هشتريه
نياهاهاهاهاااااااااااا
تحياتي
أنا مش جايه اشتري انا جايه اقول ان عالم المدونات بسم الله ما شاءالله بقي فيه كل شيء .. ان شاء الله الافكار تتطور و تبقي اكتر ان شاء الله
بجد بقي مجتمع مستقل
ياسمين
نوته و قلم
فكرتك حلوه موووووووووووووووت
بجد ربى يبارك ليكى بس ماتنسيش
تدعى للى بيعاونوكى فى تنفيذها وبجد بدعيلك بالتوفيق
فى امان الله
روح
المزاد يا جماعة فاضل له 11 يوم
البلوزة البيضا الدانتيلا :
الربان وصل ل 100 جنيه للخير
العربية الجيب بالريموت كنترول :
احمد سكر وصل ل 100 جنيه للبيع
ها مين يزود !!!
ارجو المشاركة الجادة من الزوار
ياستى ولا تاخدى فى بالك
احمدى ربنا انة مكنش مزاد على كيس فشار بربع جنية
المدونةجميلة و انا عايزة اشترى البلوزة البمبى
دعوة للامل
مفيش بلوزة بمبى
المعروض الاتى :
فستان موف فاتح بحرف ابيض على الياقة
فستان بينك بحرف ابيض على الياقة
فستان مشجر وردات بينك فى موف
بلوزة بيضاء دانتيل
جيب (سكيرت) بينك و عليها كتابة بالفضى
لو تقصدى حاجة منهم ياريت تحددى سعر لها
تحياتى
الفكرة جميلة وعملية جدا يا آبي ربنا يكرمك ويوفقك فيها وتنجح، مفيش بيت خالي من الحاجات الزيادة اللي كثير جدا بتكون حالتها كويسة بس اصحابها مش محتاجنها وبما ان الموضوع فعلا جد وانا شايفه ان اغلب التعليقات تهريج وده هيبوظ الموضوع انا بقترح عليكي تحذفي التعليقات اللي اصحابها بيهرجوا وده هيلزم كل اللي داخل انه يشارك بجد أو يحتفظ بتعليقه لنفسه لو كان من غير فائدة
Post a Comment